جانئے آج آپ کا دن کیسا رہے گا

حمل:
21مارچ تا21اپریل

جب وقت برا ہو تو بہت کم لوگ حالات کا اندازہ لگا کر اپنی صلاحیتوں کو بروئے کار لاتے ہیں، آپ فطری طور پر جلد باز ہیں چنانچہ آپ کی جلد بازی اور غیر محتاط پالیسیوں کے نتائج آپ کے سامنے ہیں۔

ثور:
22اپریل تا20مئی

لاتعداد دشمنوں کے درمیان آپکا ایک دوست بھی ہے جو انتہائی نازک وقت پر آپ کی غیر معمولی مدد کر سکتا ہے لیکن شرط یہ ہے کہ آپ خود بھی حالات کی نزاکت کا خیال رکھتے ہوئے ہر کام کرنے کی کوشش کریں۔

جوزا:
21مئی تا21جون

کاش آپ خود کو جذباتیت کے دائرے سے باہر نکال سکتے، آپ آخر اس حقیقت کو کیوں تسلیم نہیں کرتے کہ جذباتی لوگ کبھی بھی خوف و خطر کے بغیر رہ کر زندگی بسر نہیں کر سکتے۔

سرطان:
22جون تا23جولائی

گزشتہ غیر متوقع طور پر ہونے والا نقصان ایسا نہیں ہے کہ اسے بھلا دیا جائے آپ اندازہ لگائیں کہ ایسا آپ کی کسی غلطی کے سبب ہوا تھا تاکہ آئندہ اسی غلطی کا اعادہ نہ ہو سکے۔

اسد:
24جولائی تا23اگست

آپ واقف ہیں کہ ہم بلا کسی روک ٹوک کے اظہار حقیقت کرتے ہیں ہمارا مقصد صرف اتنا ہی ہوتا ہے کہ آپ حالات کی روشنی میں نہ صرف بہتر لائحہ عمل مرتب کر سکیں بلکہ احتیاطوں کا مضبوط حصار بھی قائم کر لیں۔

سنبلہ:
24اگست تا23ستمبر

آپ نے اپنی روش نہ بدلی تو پھر صورتحال تشویشناک ہو سکتی ہے ہم نے پہلے بھی محتاط رہ کر قدم اٹھانے کا مشورہ دیا تھا یقینا آپ نے اس پر عمل کرنے کی زحمت گوارہ نہ فرمائی ہو گی۔

میزان:
24ستمبر تا23اکتوبر

ہم نے پہلے بھی آپ کو تلقین کی ہے کہ خود کو احساس کمتری کے چنگل اور خوف و خطرات کے اندیشوں سے آزاد کیجیے، یہی دو خامیاں مختلف معاملات کے سلسلے میں آپ کی ناکامی کا سبب بن سکتی ہیں۔

عقرب:
24اکتوبر تا22نومبر

ہونے والا کوئی نزدیکی سفر دیرینہ خواہشات کی تکمیل کا باعث بن سکتا ہے، اپنے کاروبار کو وسعت دینے کی کوشش کیجیے، آپ کی جدوجہد رنگ لا سکتی ہے اور آپ کا کاروبار شاندار ترقی کر سکتا ہے۔

قوس:
23نومبر تا22دسمبر

محبوب کی غلط فہمی کسی حد تک دور ہو سکتی ہے، اگر آپ اپنے بزرگوں کو وسیلہ بنا لیں تو من پسند فرد ہی شریک حیات بن سکتا ہے، منگنی یا شادی ہونے کا امکان قدرے زیادہ ہے۔

جدی:
23دسمبر تا20جنوری

اپنے دل و دماغ پر فضول خیالات کو قبضہ نہ کرنے دیجیے، کوئی شخص فریب محبت دینے کی کوشش کر سکتا ہے، اس کی باتوں میں نہ آیئے ورنہ آپ کہیں کے نہ رہیں گے۔

دلو:
21جنوری تا19فروری

ایسی توقعات جن کا تعلق خاص طور پر قریبی عزیزوں سے ہے دم توڑ سکتی ہیں، لہٰذا کسی سے بھی ایسی توقع وابستہ نہ کریں جو اگر پوری نہ ہو تو اس کا غم آپ کے لیے ناقابل برداشت بن جائے۔

حوت:
20 فروری تا 20 مارچ

چند نئے لوگوں سے کاروباری مراسم قائم ہو سکتے ہیں آپ اپنے منصوبوں کو عملی شکل دینے میں شاندار کامیابی حاصل کر سکتے ہیں، گویا مجموعی طور پر یہ عرصہ آپ کے لیے بہتر ثابت ہو سکتا ہے۔

The post جانئے آج آپ کا دن کیسا رہے گا appeared first on ایکسپریس اردو.

from ایکسپریس اردو http://ift.tt/2feepXV