اسلام آباد: نیب نے شکرپڑیاں کلچرل کمپلیکس میں کروڑوں روپے کی مبینہ کرپشن اور اختیارات کے ناجائز استعمال سے متعلق کیس میں سابق چیئرمین سی ٹی اے امتیاز عنایت الہی کو گرفتار کرلیا ہے۔
ایکسرپس نیوز کے مطابق نیب کی شکرپڑیاں کلچرل کمپلیکس میں کروڑوں روپے کی مبینہ بے قاعدگیوں پر تحقیقات جاری ہے ، نیب کی تفتیشی ٹیم نے شواہد کی بنیاد پر سابق چیئرمین سی ڈٰ اے امتیاز عنایت الہی اور سی ڈی اے کے سابق ممبر فنانس سعیدالرحمان کو گرفتار کرلیا ہے۔
نیب نے امتیاز عنایت الہٰی اور ممبر فنانس سعید الرحمان کو احتساب عدالت میں پیش کرکے دونوں ملزمان کو 14 روز کے لیے جسمانی ریمانڈ پر تحویل میں دینے کی استدعا کردی۔ دوران سماعت نیب پراسیکیوٹر سہیل عارف نے کہا کہ ملزمان نے اختیارات کا ناجائز استعمال کرتے ہوئے قومی خزانے کو 47 کروڑ 15 لاکھ روپے کا نقصان پہنچایا ، ملزمان نے اسلام آباد کلچرل کمپلیکس کی تعمیر روکنے کی منظوری دی، دستیاب شدہ ریکارڈ کی تصدیق اورجانچ کے لیے ملزمان کا ریمانڈ منظور کیا جائے۔
ملزمان کے وکیل خرم اعجاز راجہ نے جسمانی ریمانڈ کی استدعا کی مخالفت کرتے ہوئے کہا کہ امتیاز عنایت الہٰی کا 2011 میں ٹرانسفر ہو گیا مگر منصوبے کو آج تک کیوں مکمل نہ کیا گیا، ٹھیکیدار کے پاس اب بھی بڑی رقم ہے اسے گرفتار کیوں نہ کیا گیا، ملزمان پر رشوت لینے یا کسی کو فائدہ پہنچانے کا الزام نہیں، ملزمان بیمار، جیل میں طبی سہولیات موجود ہیں، ملزمان کو جیل بھیجا جائے۔ سماعت کے دوران ملزم امتیاز عنایت الہٰی نے استدعا کی کہ میں بیمار ہوں اور کھانے سے متعلق نیب کو ہدایت کی جائے، جس پر جج محمد بشیر نے کہا کہ میں نیب کو ڈاکٹروں کی ہدایت کے مطابق کھانا دینے کا حکم کردوں گا۔
The post کرپشن الزامات پر سابق چیئرمین سی ڈی اے امتیاز عنایت الہٰی گرفتار appeared first on ایکسپریس اردو.
from ایکسپریس اردو http://ift.tt/2tjkBqR
No comments:
Post a Comment