پاکستانی نوجوان اور روزگار کے مسائل

نوجوان نسل کو قوم کا معمار کہا جاتا ہے۔ یہ نوجوان تعلیم و تربیت حاصل کر نے کے بعد کوئی عظیم کارنامہ سرانجام د ے کر ملک کا نام روشن کریں گے۔ ہمارے ملک میں اس کہاوت کا پہلا حصہ توپورا ہو جاتا ہے، لیکن جب اس جملے کے دوسرے فقرے کی بات آتی ہے تو اس بات کو عملی جامہ پہنانے کے لیے ہر انسان کو پہلے روزگارملنا ضروری ہے۔ جب نوجوان کو موقع دیا جائے گا تب ہی وہ اس قابل ہو گا کہ کوئی شاندار کامیابی حاصل کر سکے اور ادارے کے ساتھ ملک کا نام روشن کرے۔ ہمارے ہاں فارغ التحصیل طلبہ چاہے وہ ڈاکٹرہوں، انجینئر ہو یا آرٹس کی کسی بھی ڈگری سے تعلق رکھتے ہوں ان کو مواقع فراہم نہیں کیے جاتے کہ وہ ملک کے لیے کچھ کر سکیں۔

جب طلبہ نوکری کی تلاش کے لیے نکلتے ہیں تو رسوائی کے سوا کچھ حاصل نہیں ہوتا۔ بلکہ نوجوان یہ سوچنے پر مجبور ہوجاتے ہیں کہ اس شعبے میں تعلیم حاصل کرنے کا فیصلہ درست نہیں تھا بلکہ کسی اور شعبے میں تعلیم حاصل کرنا بہتر تھا۔

روزگار کے حوالہ سے بات کی جائے تو ہمارے ہاں دیے جانے والے اشتہارات میں خواہ وہ کسی بھی انڈسٹری سے متعلق ہوں تجربہ کے کالم میں کم از کم ۱ سال، ۲ سال، یا ۳ سال لکھا ہوتا ہے۔ اس کے مطابق وہ طالبِ علم جو کہ ابھی تعلیم حاصل کر کے فارغ ہوئے ہیں وہ کس طرح سے اپلائی کر سکتے ہیں؟ وہ تو سرے سے اہل ہی نہیں ہوں گے۔

ہمارے آجکل کے تعلیمی نظام میں ایک نئی چیز جسے انٹرن شپ کا کہا جاتا ہے کا اضافہ کر دیا گیا یعنی طالبِ علم اپنی پڑھائی کے آخری سال میں ایک یا دو ماہ پروفیشنل مارکیٹ میں کام کریں تا کہ مستقبل میں جب وہ عملی زندگی میں قدم رکھیں تو وہ اُس کام سے واقف ہوں۔ مگر افسوس کے ساتھ جب نوجوان نوکری کے لیے نکلتے ہیں تو یہ تجربہ لیٹر کسی کام نہیں آتے سوائے ڈاکومنٹس کی فائل کی شان بڑھا نے کے۔

ایک اورپہلوبھی بہت غالب رہتا ہے۔ بہت سے افراد اس بات سے متفق نہیں ہوں گے لیکن یہ ایک حقیقت ہے کہ آپ کی تما ترصلاحتیں ایک طرف ، آپ کی ظاہری شخصیت او ر خو بصورتی کی بنا پربھی سلیکشن کی جاتی ہے، جو کہ انتہائی نہ مناسب ہے۔ ا س کے علاوہ ہمارے ہاں بہت سی نوکریاں تعلقات کی بنا پر دی جاتی ہیں۔ ہمارے ہاں بہت ہی کم ا یسے ادارے ہیں جو صرف اور صرف درخواست گُزار کی تعلیم اور قابلیت کی بناء پر نوکری دیتے ہیں۔ ہمارے ہاں بہت سےلوگ اس بات سے اتفاق نہیں کریں گے خاص کر وہ جو کہ صاحب روزگار ہیں۔ لیکن جو فرد اس مشکل سے گزرہے ہیں و ہ یہ جانتے ہیں.

ضرورت اس امر کی ہے کہ نوکریاں صرف قابلیت کی بنا پردی جائیں. اگر ایسا ہو تو ہمارے ملک میں بہت سے قابل اور ہنرمند افراد موجود ہیں جو موقع ملنے پر ملک کا نام روشن کریں گے ۔

The post پاکستانی نوجوان اور روزگار کے مسائل appeared first on دنیا اردو بلاگ.

from دنیا اردو بلاگ https://ift.tt/2PrVmgL