کورین ڈرامہ: ‘مون لورز۔ سکارلٹ ہاٹ’ آپ کا دل چُھو لے گا

میں نے 2009ء سے انڑنیشنل شوز اور پرگرامز دیکھنے شروع کیے۔ میرے پسندیدہ پراگرامز کوریا، ترکی، تھائی لینڈ، چین، تائیوان اور جاپان کے ہیں۔ ان ممالک کے کئی ڈرامے اور پروگرامز اسے ہیں جو کہ 25 ممالک میں دیکھے گئے ہیں اور اکثر کا 30 سے زائد زبانوں میں ترجمہ بھی کیا گیا ہے۔ اس بلاگ میں، میں ایک کوریا کے ایک ڈرامے کا ریویو کر رہی ہوں۔ اس ڈرامے کی کہانی بہت ہی منفرد ہے۔

“مون لورز۔ سکارلٹ ہائٹ” کوریا کا سب سے مشہور ڈرامہ ہے جسے بین الاقوامی سطح پر بھی بہت پسند کیا گیا تھا۔

یہ ڈرامہ چین کے ایک بہت مشہور ناول “بو بو جینگ شن” پر بنایا گیا ہے۔ یہ ناول “تھونگ ہوا” نے لکھا ہے۔ 2011ء میں اس ناول پر چین میں ڈرامہ بنا تھا جو کہ چین کا سب سے مقبول ترین ڈرامہ تھا۔ 2014ء میں ناظرین کی ڈیمانڈ پر اس ڈرامے کا سیزن 2 بھی بنایا گیا تھا۔ 2016ء میں کوریا نے اس ناول پر دوبارہ ڈرامہ بنایا جو کوریا سمیت دس ممالک میں آن ائیر ہوا۔ ان ممالک میں چین، ملائشیا، سنگاپور، انڈونیشیا، ہانگ گانگ، ویت نام، جاپان، تھائی لینڈ، فلیپائن اور سری لنکا شامل ہیں۔

اس ڈرامے کو چین کی سب سے مشہور ویڈیو ویب سائٹ “یوکو” نے 8 ملین ڈالرز کے ساتھ خریدا تھا۔ اس ڈرامے کی ہر قسط کو آن ائیر کرنے پر 4 لاکھ ڈالرز وصول کیے گئے تھے۔ چینی ویب سائٹ “یوکو” پر ڈھائی ارب لوگوں نے اس ڈرامے کو دیکھا ہے۔

اس ڈرامے کا سکرین پلے “جو لون لنگ” نے لکھا ہے اور ہدایات “کم کیو تھی” نے دیں ہیں۔ اس ڈرامے کی بیس اقساط ہیں۔ اس ڈرامے کے مرکزی ادکار “آئی یو” اور “لی جون گی” اور ”کانگ ہا نول” ہیں۔

“مون لورز۔ سکارلٹ ہائٹ” کی کہانی ایک ماڈرن زمانے کی لڑکی کے گرد گھومتی ہے جو ٹائم ٹریول کر کے گوریا (پرانے زمانے) میں چلی جاتی ہے۔ یہ نوجوان لڑکی “گوہاجن” اپنی زندگی سے تنگ ہوتی ہے۔

ایک دن موسم گرما میں وہ ایک پارک میں بیٹھی رو رہی ہوتی ہے۔ اس کے سامنے ایک ندی میں ایک بچہ گر جاتا ہے جسے صرف گوہاجن ہی دیکھتی ہے۔ وہ اس بچے کو بچانے کے لیے پانی میں چھلانگ لگاتی ہے۔ گوہاجن اس بچے کو تو بچا لیتی ہے لیکن خود پانی میں ڈوبنے لگتی ہے۔ بہت مشکلوں سے جب وہ پانی سے باہر آتی ہے تو خود کو ایک اجنبی جگہ پر پاتی ہے۔ اصل میں وہ وقت کا سفر طے کرکے پچھلے زمانے میں پہنچ چکی ہوتی ہے۔ اس زمانے میں وہ ایک شہزادی کے روپ میں ہوتی ہے جو سات شہزادوں کے ساتھ اقتدار کی ایک خوفناک جنگ لڑ رہی ہوتی ہے۔

اس ڈرامے میں بہت سے دلچسپ موڑ ہیں۔ محبت، نفرت اور اقتدار کی جنگ میں “ہے سو” کا کردار بہت اہم ہے۔ “ہے سو” جو کہ بہت چنچل اور خوش اخلاق لڑکی ہوتی ہے، تخت کی لڑائی کی وجہ سے سنجیدہ ہو جاتی ہے۔ “ہے سو” کو حاصل کرنے کے لیے تین شہزادوں میں مقابلہ بڑھ جاتا ہےاور وہ اس کو حاصل کرنے کے لیے ہر ممکن کوشش کرتے ہیں۔

تمام اداکاروں نے اپنے کردار بہت خوبی سے نبھائے ہیں۔ یہ ڈرامے دیکھ کر آپ کو ایسے لگے گا جیسے آپ پرانے وقتوں کے کوریا میں آگے ہیں۔

اس ڈرامے پر ملنے والی شاندار پذیرائی کی وجہ سے اداکار “لی جون گی” نے اپنے آفیشل انسٹاگرام اکائونٹ سے ناظرین کا شکریہ ادا کیا ہے۔ انڈونیشیا میں اس کورین ڈرامے کی دوسرے سیزین کے لیے ناظرین نے ایک پٹیشن مہم کا آغاز کیا ہے۔

اس ڈرامے کو سائوتھ اور نارتھ امریکہ میں کورین کا دوسرا سب سے زیادہ دیکھا جانے والا ڈرامہ قرار دیا گیا ہے۔

اس ڈرامے کو کوریا میں زیادہ ریٹینگ نہیں ملی جب کہ بین الاقوامی سطح پر بہت پذیرائی ملی ہے۔ اس ڈرامے کو آپ ڈرامہ فیور، مائی ایشن ٹی وی، ڈرامہ کول اورگڈ ڈرامہ پر انگلش سب ٹائیٹلز کے ساتھ دیکھ سکتے ہیں۔

The post کورین ڈرامہ: ‘مون لورز۔ سکارلٹ ہاٹ’ آپ کا دل چُھو لے گا appeared first on دنیا اردو بلاگ.

from دنیا اردو بلاگ https://ift.tt/2HetQep